उरण (सुनिल ठाकूर ).
मंगळवार दिनांक 06/09/2023 रोजी झालेल्या बैठकीत शितोळे कातकरी वाडी वरील वासुदेव वाघमारे, नारायण नाईक, बाबू नाईक आणि इतर नागरिकांनी आपले प्रश्न मांडले. सदरहू प्रश्न अतिशय योग्य असून ते आम्हाला मान्य आहेत अशी सुरुवातच मान उप विभागीय अधिकारी श्री पवार साहेब यांनी केल्याने सर्वांना आनंद झाला. वन अधिकारी पाटकर साहेब, तहसीलदार स्वप्नाली डोईफोडे मॅडम, भूमी अभिलेख विभाग प्रमुख बाविस्कर साहेब यांच्याशी चर्चा करून कातकरी बांधवांना वन हक्क जमिनीचे अधिकृत ऑनलाईन सात बारा देण्याचे मान्य केले आणि विषय संपवून टाकला. सामाजिक कार्यकर्ते संतोष ठाकूर, ॲड धनंजय पाटील यांनी आदिवासी बांधवांची कायदेशीर बाजू मांडली. प्रा राजेंद्र मढवी यांनी ह्या विषयासंदर्भात समन्वयक म्हणून भूमिका बजावून विषय कसा मार्गी लागेल आणि आदिवासी कुटुंबाना न्याय मिळून नियोजित पोलीस स्टेशन चा मार्ग मोकळा होईल ह्या करिता प्रामाणिक प्रयत्न केले आणि ते खऱ्या अर्थाने यशस्वी झाले असे म्हणायला हरकत नाही. प्रा राजेंद्र मढवी यांनी सर्व अधिकारी वर्गाचे आणि सर्वांचे आभार मानले.