उरण: सुनिल ठाकूर
भविष्यातील एआय लॅबमधून सुटका करणं किंवा एका काल्पनिक वैज्ञानिकाच्या गायब होण्यामागचं गूढ उलगडणं — यामुळे कुणी उत्तम अभियंता होऊ शकतो का? एसव्हीकेएमच्या एनएमआयएमएसच्या स्कूल ऑफ टेक्नॉलॉजी मॅनेजमेंट अॅण्ड इंजिनिअरिंग (STME), नवी मुंबई येथील विद्यार्थ्यांनी हे शक्य करून दाखवलं.
एनएमआयएमएस नवी मुंबई इथे शिक्षण केवळ पुस्तकी ज्ञानापुरतं मर्यादित न ठेवता, उद्योगाच्या गरजांनुसार, सर्वांगीण विकासावर भर दिला जातो. STME च्या IGNITE 8.0 या वार्षिक फेस्टिव्हलमध्ये संपूर्ण कॅम्पस हे नाविन्य, सर्जनशीलता आणि समस्या सोडवण्याचं मैदान बनलं. दोन दिवस चाललेल्या या "कार्निव्हल" थीम असलेल्या इव्हेंटमध्ये CodeChella, Fortune Teller’s Roll, Mission Mars आणि Cypher’s Circus यांसारख्या स्पर्धा होत्या, ज्या विद्यार्थ्यांची कोडिंग, स्ट्रॅटेजी, क्रिएटिव्ह थिंकिंग आणि उद्योजक दृष्टिकोन विकसित करण्यासाठी रचलेल्या होत्या.
विद्यार्थ्यांनी Escape the Funhouse मध्ये एआय व लॉजिकवर आधारित कोडी वेळेत सोडवली; Jack in the Box मध्ये दररोजच्या वस्तू वापरून AI/ML प्रोजेक्ट तयार करताना अचानक मिळालेल्या ट्विस्ट्सना सामोरं गेलं; आणि Circo de la Muerte मध्ये AI-जनरेट केलेले क्लू वापरून एका वैज्ञानिकाच्या गायब होण्यामागचं रहस्य उलगडलं. या सगळ्याचा उद्देश विद्यार्थ्यांची विश्लेषणात्मक विचारशक्ती, सर्जनशील कथा सांगण्याची कला आणि टीमवर्क वाढवणं हा होता.
कार्यक्रमाच्या उद्घाटनप्रसंगी डॉ. अरुण शर्मा, संचालक, NMIMS नवी मुंबई यांनी सांगितलं,
"IGNITE 8.0 मध्ये विद्यार्थ्यांनी दाखवलेली सर्जनशीलता, चिकाटी आणि नेतृत्व हेच NMIMS च्या विद्यार्थ्यांचं खरे वैशिष्ट्य आहे. ज्ञान आणि प्रत्यक्ष अनुभव यांचा मेळ यातून दिसून आला."
मुख्य पाहुणे डॉ. प्रशील पारधे यांनी नैतिक एआय वर भर दिला. ते म्हणाले,
"IGNITE 8.0 ही फक्त स्पर्धा नव्हती, तर उत्तरदायी, न्याय्य व मानवी-केंद्रित AI च्या दिशेने विद्यार्थी आणि समाजाला विचार करायला लावणारा उपक्रम होता."
डॉ. प्रीती गुप्ता, एसटीएमईच्या असोसिएट डीन, म्हणाल्या,
"आमचा उद्देश विद्यार्थ्यांना सर्वांगीण अनुभव देण्याचा होता. IGNITE 8.0 या कार्निव्हल थिममुळे संपूर्ण कॅम्पस एक सर्जनशीलतेचं आणि तांत्रिक कौशल्यांचं उत्सवस्थळ झालं."
या प्रत्यक्ष आणि खेळाच्या स्वरूपातील उपक्रमांमुळे IGNITE 8.0 ने हे सिद्ध केलं की अभियंता घडवण्यासाठी फक्त पुस्तकं पुरेशी नाहीत – अनुभवातून शिकलेले विद्यार्थीच खरं नवकल्पना घेऊन येतात, बदल स्वीकारतात आणि पुढे जातात.
*NMIMS नवी मुंबईबद्दल:*
एनएमआयएमएस नवी मुंबई ही श्री विलेपार्ले केळवणी मंडळ (SVKM) द्वारा स्थापलेली संस्था आहे, जी व्यवस्थापन, वाणिज्य, कायदा, अभियांत्रिकी आणि इतर क्षेत्रांमध्ये उद्योगाभिमुख शिक्षण देते. अत्याधुनिक सुविधा आणि तज्ज्ञ प्राध्यापकांमुळे ही संस्था तांत्रिक आणि व्यवस्थापन क्षेत्रात आघाडीवर आहे.
A++ NAAC मानांकन प्राप्त असलेल्या NMIMS चा भाग असलेल्या या कॅम्पसचा उद्देश जागतिक विचारसरणी असलेले, सामाजिकदृष्ट्या जागरूक आणि मूल्याधिष्ठित व्यावसायिक तयार करणं आहे. नवोन्मेष, विविधता, आणि नैतिकता या मूल्यांवर आधारित शिक्षण देत, NMIMS नवी मुंबई विद्यार्थ्यांना परिवर्तन घडवण्यासाठी तयार करतं.